【 上山日記 - 開壇篇 】

 

2017新開始，頭兩日公眾假期天朗氣清，行山平靚正。

​

行山都有唔同套餐，早有早上，晏有晏去。睇浪追風穿林越村，各有玩法。然而萬法歸一，總要踩住石頭上路。

 

其實香港彈丸之地，石頭年份講緊億億聲，屈指一算近近哋都講緊侏羅、白堊紀。以分佈面積計，九成係同火山活動相關的火成岩，當中包括「火山岩 x 花崗岩」。最入屋例子當然離唔開「獅子山」(返工放工都可能見住的億幾歲花崗岩）。

 

用多一個角度認識香港，唔難搵到另一種美感，徜徉山野之中，不妨隨心用手機、唔用filter留住最純美一刻。

 

看山是山、不是山、還是山? 其實有時「不止山」。

 

小事物可帶出大道理：細嚐山野的人文活動、了解平衡保育與發展問題，加深認識以理服人，可能唔使得個鬧字。

 

誠意分享行慢山又怕心寒摸黑回程的觀點，冀拋磚引玉，交流更多未去過又想去、點樣捐窿捐罅搵好景的延伸資料。

 

兄弟爬山，各自努力。

 

H iking / K nowledge / D iscovery = 發掘認識香港啲「野」

 

2017.1.2